The Practical Guide to Gaelic Pronunciation
Michael Bauer | 31 dhen Mhàrt 2011
Còmhdadh cruaidh
£35.00 | Ri fhaighinn
ISBN 9781907165009
C nan L | Ullapool
Bks | Blackwell's
| Amazon
UK
Hugendubel
| Amazon
DE
McNally
| Amazon
CA
Barnes
& Noble | Amazon
US
Fishpond.com.au
Fishpond.co.nz
Tha an leabhar seo a’ toirt dealbh air fuaimneachadh na
Gàidhlig, rud a tha ’na chuspair sparragach ach tha an
t-ùghdar ’ga thoirt seachad air dòigh shoilleir, thaitneach, a
dà chuid sealladh mòr is mionaideach. Chaidh an leabhar a
sgrìobhadh gu h-àraidh airson nan daoine seo:
- luchd-ionnsachaidh inbheach na Gàidhlig (duine sam bith
eadar fìor luchd-tòiseachadh is feadhainn a tha aig ìre glè
adhartach a tha ag iarraidh piseach a chur air an cuid
fuaimneachaidh)
- tidsearan is oidean na Gàidhlig a tha ag iarraidh barrachd
eòlais air mar a tha na fuaimean ag obair sa Ghàidhlig agus a
tha a’ sireadh dòighean nas fhearr gus an teagasg do
dh’inbhich agus clann-sgoile aig nach eil Gàidhlig on ghlùn
- daoine le Gàidhlig on ghlùn a tha ag iarraidh tuigse nas
doimhne air an cànan aca fhèin.
Tha an leabhar a’ tòiseachadh aig an fhìor thoiseach agus ’gad
thoirt air turas mòr tro shaoghal mìorbhaileach fuaimean na
Gàidhlig. Tha barrachd air 120 seata de dh’eacarsaich ann,
iomadh faidhle fuaime a gheibhear gu h-ìosal agus dealbhan, an
dà chuid feadhainn èibhinn is feadhainn theicnigeach agus tha
e fiù ag innse dhut mar a nì thu briosgaidean na Nollaige.
Cha bhi fuasgladh ann gu sìorraidh bràth a nì a’ chùis air
duilgheadasan an luchd-ionnsachaidh ’na aonar a thaobh
fuaimneachaidh. Ach gun teagamh sam bith, bidh an leabhar seo
’na chuideachadh mòr do thidsearan is luchd-ionnsachaidh na
Gàidhlig gus ceum mòr a ghabhail.
Seo agaibh na faidhlichean PDF gu h-ìosal anns a bheil na
fuaimean. Bheachdaich sinn air CD no DVD a dhèanamh an
toiseach ach tha uiread de dh'fhaidhlichean ann 's gum biodh
sibh a' dol às ur ciall a' putadh Forward agus rinn sinn
faidhlichean PDF leis an fhuaim 'nam broinn air sgàth sin.
'S urrainn dhuibh an luchdadh a-nuas cho tric 's a dh'fheumas
sibh ach mholamaid gun sàbhail sibh iad air an diosg agaibh
fhèin. Feumaidh sibh prògram a dh'fhosglas faidhlichean PDF
mar PDFCreator, Foxit no Acrobat Reader.
Ma dh'fhaighnicheas am prògram a bheil sibh airson earbsa a
chur san sgrìobhainn, feumaidh sibh aontachadh ris mus cluinn
sibh na fuaimean.
Daoine aig a bheil Mac: Tha
duilgheadas le fuaim a tha am broinn PDF air cuid dhe na
Macs. Tha teans gun obraich e nas fhearr ma dh'fhosglas sibh
am PDF on Finder (seach an leughadair PDF a tha am broinn a'
bhrabhsair).
Dh’obraich na leanas do chuid a dhaoine cuideachd:
1. Luchdaich a-nuas PDF agus fosgail am faidhle slighe an Finder.
2. Briog air putan Play sam bith. Cha chluich an
fhuaim ach chì thu teachdaireachd a dh’innseas
dhut gun deach cuid a ghleusan a chur à comas air sgàth
adhbharan tèarainteachd.
3. Briog air an taga Options a tha deas air an
teachdaireachd seo. Faighnichidh e dhìot a bheil thu airson
earbsa a chur san sgrìobhainn seo (Once no Always).
Tagh Always agus cluichidh an fhuaim a-nis
mar is trice.
Leis gu bheil barrachd air aon fhaidhle ann, feumaidh tu sin
a dhèanamh anns gach aon dhiubh ach fhad ’s a
thaghas tu Always trust, cha bhi agad ri
seo a dhèanamh ach aon turas.
Dh’fhaoidte gum b’ fhiach e leughadairean PDF eile
fheuchainn cuideachd. Chuala sinn o chuideigin a dh’innis
dhuinn gun deach aige an fhuaim a chluich mar bu chòir ann
am PDF Expert le Readdle
(tionndadh 6 agus nas ùire).
Mur obraich seo, nach cleachd sibh na faidhlichean mp3 (gu
h-ìosal). Tha sinn duilich mun mhì-ghoireas seo ach cha b'
urrainn dhuinn fuasgladh a lorg air an duilgheadas gu ruige
seo as urrainn dhuinn a chur an sàs.
Na faidhlichean
airson duilleag 001-078 | Na faidhlichean
airson duilleag 079-159
Na faidhlichean
airson duilleag 160-165 | Na faidhlichean
airson duilleag 166-186
Na faidhlichean
airson duilleag 187-215 | Na faidhlichean
airson duilleag 216-241
Na faidhlichean
airson duilleag 242-268 | Na faidhlichean
airson duilleag 269-292
Na faidhlichean
airson duilleag 293-302 | Na faidhlichean
airson duilleag 303-322
Na faidhlichean
airson duilleag 323-345 | Na faidhlichean
airson duilleag 346-361
Na faidhlichean
airson duilleag 362-385 | Na faidhlichean
airson duilleag 456-478
Ma tha sibh ag iarraidh na faidhlichean mp3 iad fhèin,
luchdaichibh a-nuas na faidhlichean a leanas is dèanaibh unzip
orra an uairsin:
Na faidhlichean mp3 001-150 | Na faidhlichean mp3 151-300
Na faidhlichean mp3 301-450 | Na faidhlichean mp3 451-553
A bharrachd air sin, seo dhuibh tionndadh dhen treòir air
fuaimneachadh litrichean na Gàidhlig as urrainn dhuibh a
chlò-bhualadh:
An Treòir Mhòr
(leis na h-eisimpleirean)
An Treòir Bheag (na
riaghailtean as aonais nan eisimpleirean)